Abendualdiko III. astelehena
Astegun hau abenduaren 17a edota 18a bada, hemen ondoren datozen irakurgaiak itzi eta abenduko hilaren egun horretako irakurgai bereziak hartuko dira, 113-132. or.etan.
I. Irakurgaia
Izar batek urtengo dau Jakoben herritik.
Zenbakiak liburutik
Zen 24, 2-7. 15-17a
Egun hareetan, Balaamek, begiak jasorik,
Israel ikusi eban leinuka txabolaturik. Orduan, Jainkoaren espiritua etorri
jakon eta olerki hau abestu eban:
«Hona hemen Beorren seme Balaamen,
begi
argiko gizonaren, mezua;
hona
hemen, estasian, begiak zabal-zabal,
Jainkoaren
hitza entzuten
eta
Ahaltsuaren agerpena ikusten dauanaren mezua.
Bai
ederrak zure txabolak, Jakoben herri,
bai
ederrak zure bizilekuak, Israel!
Ibar
zabalak dirudie, ibai ondoko baratzeak,
Jaunak
landatutako zumintzak, ur-ertzeko izaiak.
Ura
gainezka dabe pitxerretan, ondo ureztaturiko lurretan hazia.
Agag
erregea baino handiagoa da Israelgo erregea,
haren
erregetza gero eta garaiagoa».
Beste olerki hau be abestu eban:
«Hona hemen Beorren seme Balaamen,
begi
argiko gizonaren, mezua;
hona
hemen, estasian, begiak zabal-zabal,
Jainkoaren
hitza entzuten dauanaren mezua,
Goi-goikoaren
egitasmoa ezagutzen
eta
Ahaltsuaren agerpena ikusten dauanaren mezua.
Ikusten
dot, baina ez da orain jazoko;
begiztatzen
dot, baina ez da behingoan beteko:
Izar
batek urtengo dau Jakoben herritik,
aginte-makila
sortuko Israeldik;
birrinduko
dau Moaben bekokia eta Seten ondorengoen burua».
Jaunak esana.
Erantzun salmoa
Sal 25 [24], 4-5b. 6 eta 7cd. 8-9 (R/. 4b)
R/. Erakutsi niri, Jauna, zeure bideak.
V/. Azaldu niri, Jauna, zeure bideak,
erakutsi
zeure bidezidorrak.
Gidatu
nagizu zeure leialtasunean, eta irakatsi,
Zeu
zara-eta nire Jainko salbatzailea. R/.
V/. Izan gogoan, Jauna, zeure errukia eta
maitasuna,
betikoak
dira-eta.
Gogoratu
nitaz zeure maitasunean,
zeure
ontasunari dagokionez, Jauna. R/.
V/. Ona eta zuzena da Jauna,
bidea
erakusten deutse pekatariei.
Apalak
zuzenbidez daroaz,
bere
bidea erakusten deutse apalei. R/.
Aleluia
Sal 85 [84], 8
R/. Aleluia.
V/. Erakutsi guri, Jauna, zeure maitasuna,
emon
zeure salbazinoa. R/.
Ebanjelioa
Joanek noren aginduz bateatzen eban?
✠ Jesu Kristoren Ebanjelioa San Mateoren liburutik
Mt 21, 23-27
Aldi haretan, Jesus tenplura etorri eta,
irakasten ziharduala, abadeburuak eta herriko zaharrak hurreratu jakozan,
itaunka: «Zein aginpidez egiten dozu hori? Nork emon deutsu aginpide hori?»
Jesusek erantzun eutsen: «Neuk be gauza bat itaunduko deutsuet; erantzuten
badeustazue, Neuk be esango deutsuet zein aginpidez egiten dodan hori. Joanek
noren aginduz bateatzen eban: Jainkoaren aginduz ala gizakien aginduz?»
Hareek inoen euren artean: «Jainkoaren
aginduz ziharduala esaten badogu, zergaitik sinistu ez geuntsan esango deusku.
Eta gizakien aginduz ziharduala esaten badeutsagu, ostera, jentearen bildur
gara, ze guztiek daukie profetatzat Joan».
Beraz, hauxe erantzun eutsoen Jesusi: «Ez
dakigu». Jesusek, orduan, esan eutsen: «Neuk be ez deutsuet, bada, esango zein
aginpidez egiten dodazan honeek gauzok».
Jaunak esana.
Iruzkina
Ontzat emoten dan gauzea da batzuk beste batzuk baino etxekotasun handiagoa dabela Jainkoagaz.
Honei begitu egiten jake; honeik goraldu egiten dira…; baina bildur ere hartzen jake, eta baztertu eta hil ere egiten dira, gogoko ez jakuzalako.
Zer ete gara, zemaipean baino ezin bagaitue hezi? Bildurpean hazi behar dogu, eta Jainkoa, harengandik etorri leikiguzan zigorren bildurragaitik maitatu behar dogu?
Antxinako profetek Jainkoaren aldetiko zigorrak iragarten ebezan desbideratzen zan herria onbideratzeko asmotan. Beste batzutan, herria hondatuta ikustean, itxaropen berbak erabiliz, aldi barriak eta Jainkoagandiko errukia, parkamena eta Jainkoa bere herriaren alde egoala iragarten eutsen.
Bateatzaileagaz aldi barriak hasten dira; baina oindino ez dago argi, ez dira aldiak bete. Jesusek beteko dau hutsune hori: Jainkoa ez datorrela bere herria zigortzera, txarrak hondatzera…, gizakiok geure gizatasunean sakonduz aurkitzen dogula Jainkoa iragarriko dau.
Geuk landu behar dogu gure barrua, bide lautuetan zehar ibili daiten badatorren Salbatzailea.
Abendualdiko III. martitzena
Astegun hau abenduaren 17a edo 18a bada, hemen ondoren datozen irakurgaiak itzi eta abenduko hilaren egun horretako irakurgai bereziak hartuko dira, 113-132. or.etan.
I. Irakurgaia
Mesiasengandiko
salbazinoa
behartsu
guztiei agindu.
Sofoniasen Profezia liburutik
So 3, 1-2. 9-13
Hauxe dino Jaunak:
«Zorigaiztokoa Jerusalem,
uri
gaizto, kutsatu eta zapaltzailea!
Ez
dau entzun Jainkoaren ahotsa,
ez
dau onartu haren zuzenketa,
ez
dau ipini harengan bere uste ona,
ez
da hurreratu bere Jainkoagana.
Egun
haretan, herrien ezpanak garbi bihurtuko ditut,
guztiek
Jaunaren izenari dei egin deioen
eta
guztiek bat eginik zerbidu nagien.
Nire
gurtzaileek, sakabanatu nituanek,
eskeintzak
ekarriko deustez Etiopiako ibaiaz bestaldetik.
Egun
haretan ez zara gehiago lotsatuko
nire
aurka egin dozuzan gaiztakeriakaitik,
kenduko
ditut-eta zure artetik zure erronka harroak,
eta
ez zara gehiago harropuztuko nire mendi santuan.
Herri
apala eta behartsua itziko dot Nik zurean;
Jaunaren
izena izango dabe babes Israelen bizirik geldituek.
Ez
dabe bidebakokeriarik egingo,
ezta
be guzurrik esango;
hareen
ahoan ez da mihin maltzurrik aurkituko;
inork
ikaratu barik larratuko dira eta etzungo».
Jaunak esana.
Erantzun salmoa
Sal 34 [33], 2-3. 6-7. 17-18. 19 eta 23 (R/. 7a)
R/. Dohakabeak oihu egin eban, eta Jaunak entzun.
V/. Bedeinkatuko dot aldi oro Jauna,
nire
ahoan beti haren gorespena.
Harro
nago Jaunagaz,
entzun
begie apalek eta poztu beitez. R/.
V/. Begiratzen deutsoenak distiratsu egongo dira,
ez
jake aurpegia lotsaz gorrituko.
Dohakabeak
dei egin eban, eta Jaunak entzun,
eta
estualdi guztietatik eban salbatu. R/.
V/. Gaizkileen aurka Jaunaren aurpegia,
lurretik
ezabatzeko hareen gogorapena.
Deadar
egiten dabe zintzoek, eta Jaunak entzun,
larrialdi
guztietatik libratzen ditu. R/.
Aleluia
R/. Aleluia.
V/. Zatoz, Jauna, ez luzatu!
Parkatu
pekatuak zeure herriari. R/.
Ebanjelioa
Etorri zan Joan, eta pekatariek sinistu egin eutsoen.
✠ Jesu Kristoren Ebanjelioa San Mateoren liburutik
Mt 21, 28-32
Aldi haretan, Jesusek esan eutsen abadeburu
eta herriko zaharrei: «Zuek zer deritxozue? Gizon batek seme bi zituan, eta
batarengana joan eta esan eutson: “Seme, zoaz gaur mahastira, lanera”. Harek
erantzun: “Ez dot gura”. Baina gero damutu eta joan egin zan. Besteagana be
joan eta gauza bera esan eutson. Eta harek erantzun: “Banoa, jauna”; baina ez
zan joan. Bietatik zeinek egin eban aitaren nahia?» «Lehenengoak», erantzun
eutsoen.
Orduan, Jesusek esan eutsen: «Egiaz
dinotsuet: Zergalariak eta emagalduak zuek baino lehenago sartuko dira
Jainkoaren erreinuan. Izan be, etorri jatzuen Joan Bateatzailea Jainkoaren
nahiari dagokion jokabidea iragarriz, eta ez zeuntsoen sinistu; zergalariek eta
emagalduek, barriz, sinistu egin eutsoen. Zuek, ostera, ikusi eta gero be, ez
zinien bihozbarritu, hari sinisteko».
Jaunak esana.
Iruzkina
«Egun haretan ez zara gehiago lotsatuko nire aurka egin dozuzan gaiztakeriakaitik».
Behin eta barriro aldarrikatzen deusku profetak Jainkoarena dala ekimena eta harek gizakiontzako —bere seme-alaba gaitu-eta— onena gura dauala.
Zerk ete garoaz hari aurre edo gogor egitera, harena baino geurea nahiago izatera? Ume bihurriak emoten dogu, edo —harrokerian— geurea langorik ez dagoala uste dogu.
Apalak bestearena aintzat hartzen daki; ez dau bereaz bestearena zapaltzea bilatzen, eta badaki burua makurtzen ere.
Ebanjelioko lehenengo semeak aitari aurre egiten badeutso ere, gero burua makurtu eta haren esana betetera doa. Besteak, itxurak emon bai, eta berbea ere bai, baina berean jarraitzen dau. Eta hau farisearren eta legelarien irudi da.
Non kokatu gura ete dot nik? Gatx egiten jatala-eta, ez deutsat Jesusi jaramonik egin gura, ala hari jaramon egiteak neure buruaren jabe eta besteen zerbitzari izatera naroala onartu gura dot eta gauzatu?
Abendualdiko III. eguaztena
Astegun hau abenduaren 17a edo 18a bada, hemen ondoren datozen irakurgaiak itzi eta abenduko hilaren egun horretako irakurgai bereziak hartuko dira, 113-132. or.etan.
I. Irakurgaia
Isuri goitik, zeruok, iruntza lez garaipena!
Isaias Profetaren liburutik
Is 45, 6b-8. 18. 21b-25
Neu naz
Jauna, ez da besterik,
Neu
naz argiaren eratzailea eta ilunaren sortzailea;
zorionaren
egilea eta zoritxarraren sortzailea:
Neu
naz Jauna, horreek guztiak egiten dituana.
Isuri
goitik, zeruok, iruntza lez,
isuri,
hodeiok, garaipena euria lez!
Edegi
bedi lurra eta emon begi salbazinoa,
erne
bedi justizia haregaz batera.
Nik,
Jaunak, egin dot hori guztia».
Jaunak
sortu ditu zeruak, bera da Jainkoa;
berak
eratu eta egin dau lurra, berak finkatu;
ez
dau hutsik egoteko sortu, bizileku izateko baino.
Hau
dino Jaunak: «Neu naz Jauna, ez da besterik.
Nork
adierazo eban hau lehendik,
nork
esan aldez aurretik?
Ez
ete Nik, Jaunak? Ez da-eta Ni beste jainkorik.
Ez
da Ni beste jainko zintzo eta salbatzailerik.
Lurreko
bazter guztiok, bihurtu Nigana, salbatu zaitezen,
Neu
naz-eta Jainkoa, eta ez da besterik.
Neure
buruagaitik egin dot zin,
nire
ahotik urten dau erabagiak, hitz atzeraezinak:
"Belaun
guztiak jataz makurtuko,
mihin
guztiak Nigaitik dabe zin egingo"».
Esango
dabe: «Jaunagan bakarrik garaipena eta indarra».
Lotsaren
lotsaz etorriko jakoz
haren
aurka lehiatzen ziranak.
Jaunagaz
garaile izango da eta ospez beteko Israel herria».
Jaunak esana.
Erantzun salmoa
Sal 85 [84], 9ab eta 10. 11-12. 13-14 (R/. ik. Is 45, 8)
R/. Isuri goitik, zeruok, iruntza lez,
isuri, hodeiok, garaipena euria lez!
V/. Entzungo dot Jainkoak dinoana:
Jaunak
bakea agintzen deutse bere herriari eta fededunei.
Hurrean
dabe salbazinoa begirune deutsoenek;
bai,
gure lurraldean kokatuko da Jaunaren aintza. R/.
V/. Maitasunak eta leialtasunak alkar dabe
aurkitzen,
justiziak
eta bakeak alkar besarkatzen.
Leialtasuna
lurretik da ernetzen,
justizia
zerutik jaisten. R/.
V/. Jaunak emongo dau euria,
eta
gure lurrak ekarriko bere uzta.
Haren
aurretik joango da justizia,
haren
pausuei jarraituko deutse ondoizateak. R/.
Aleluia
Ik. Is 40, 9-10
R/. Aleluia.
V/. Egin deadar handi, mezularia;
indarrez
jantzita dator Jainko Jauna. R/.
Ebanjelioa
Zoaze eta esan
Joani
ikusi eta
entzun dozuena.
✠ Jesu Kristoren Ebanjelioa San Lukasen liburutik
Lk 7, 19-23
Aldi haretan, Joan Bateatzaileak, bere
ikasleetako biri dei egin eta Jaunagana bialdu zituan itauntzera: «Zu zara
etortzekoa ala besteren baten zain egon behar dogu?» Joan ziran, bada, gizon
hareek Jesusengana eta esan eutsoen: «Joan Bateatzaileak Zugana bialdu gaitu
itauntzera: “Zu zara etortzekoa ala besteren baten zain egon behar dogu?”»
Une harexetan, gatx, gaixotasun eta espiritu
gaiztoak zituan jente asko osatu eban Jesusek, eta itsu askori ikusmena emon
eutson.
Ondoren, mezulariei erantzun eutsen: «Zoaze
eta esan Joani ikusi eta entzun dozuena: itsuek ikusten dabe eta herrenak
badabiltz, legenardunak garbi gelditzen dira eta gorrek entzuten dabe, hilak
biztuten dira eta behartsuei Barri Ona iragartzen jake. Eta zorionekoa Nigaitik
galbiderik hartzen ez dauana».
Jaunak esana.
Iruzkina
Joan Bateatzaileak bere zalantzak daukaz Jesusi buruz. Eta zuk?
Joanek zemaipean hartu nahi zitun herritarrak, damura eta pekatuen autortzara deituz, Jainkoaren zigorretik ihes egin ahal izateko.
Holangoxe Jainkoa ez ete euskuen iragarri geuri ere? Txarkeriekaitik zigortzen dauana?
Baina Joanek ez dau holangorik entzuten Jesusen barriemoileengandik, herritarrengandik; aginpidez hitz egiten dauala, gosetiei jaten emoten deutsela eta gaixoak osatu egiten dauzala baino.
Zelango Mesias ete dogu hau? Zalantzatan jarri behar ete dot nik iragarri eta egin dodan guztia? —esango eban Bateatzaileak. Hau ez da nik itxaroten izan dodana!
Baina bai profetek iragarten eben guztia gauzatzen zala Jesusengan; ez hitz hutsez, egitez baino. Eta harrigarri bazirudian ere, eta eskandalu-bide bazan ere, onartu beharrekoa eban Bateatzaileak bere aldetik, eta geroago Pedrok ere beretik.
Eta guk? Ez ete dogu daukagun Jainko-irudia aldatu behar, eta, haren aurrean merituak irabaztea alde batera itzi, eta gugan haren Espirituari jarduten itzi behar? Jesusek ez eban besterik egin: Espirituak ziharduan harengan Jainkoaren nahia gauzatzen.
Abendualdiko III. eguena
Astegun hau abenduaren 17a edo 18a bada, hemen ondoren datozen irakurgaiak itzi eta abenduko hilaren egun horretako irakurgai bereziak hartuko dira, 113-132. or.etan.
I. Irakurgaia
Emakume
baztertuari lez
dei egiten
deutsu Jaunak.
Isaias Profetarenliburutik
Is 54, 1-10
Egin poz-oihu, Jerusalem, umerik izan ez
dozun agor horrek;
ekin
kantari pozaren pozez, erdiminik ez dozun horrek,
seme-alaba
gehiago dau-eta baztertuak,
senardunak
baino, dino Jaunak.
Handi
egizu zeure oihal-txabolaren zabala,
zabaldu
bildur barik zeure txabolako oihalak,
luzatu
lokarriak, sartu gogor ziriak,
ezker-eskuma
zabalduko zara-eta.
Zure
ondorengoak herrien jaube egingo dira,
eta
hutsik dagozan urietan biziko.
Ez
bildur izan, ez zara barregarri geldituko;
ez
lotsatu, ez zaitue irainduko.
Ahaztuko
dozu gaztetako lotsakizuna,
ez
dozu gogoan izango alargun zinaneko iraina.
Zure
egileak bere emaztetzat hartuko zaitu:
haren
izena Jaun ahalguztiduna;
Israelen
Jainko santua da zure askatzailea,
lur
osoaren Jainko deritxo.
Emakume
baztertu eta atsekabetuari lez
dei
egiten deutsu Jaunak barriro,
gaztetako
emazte zapuztuari lez –dino zure Jainkoak–.
Apur
batez baztertu zindudazan;
baina
maitasun handiz batuko zaitut barriro.
Hasarrealdi
baten, unetxu batez gorde neutsun aurpegia;
baina
betiko maitasunaz errukitu naiatzu,
dino
Jaunak, zure askatzaileak.
Noeren
egunetan lez izango da Niretzat:
zin
egin neban orduan
uholdeak
ez ebala aurrerantzean lurrik estalduko,
eta
halantxe egiten dot zin orain ez naiatzula barriz hasarratuko,
ez
deutsudala aurrerantzean mehatxurik egingo.
Mendiak
euren lekutik aldendu eta muinoak kili-kolo egonik be,
nire
maitasuna ez da zugandik aldenduko,
nire
bake-ituna ez da kili-kolo egongo,
honan
dino maite zaituan Jaunak.
Jaunak esana.
Erantzun salmoa
Sal 30 [29], 2 eta 4. 5-6. 11-12a eta 13b (R/. 2a)
R/. Goratuko zaitut, Jauna, onik atara nozulako.
V/. Goratzen zaitut, Jauna, onik atara nozulako,
arerioei
nire lepotik pozten itzi ez deutsezulako.
Jauna,
Herio-lezatik atara nozu,
zulora
jaistear nengoala bizibarritu. R/.
V/. Kanta Jaunari, haren fededunok,
goratu
egizue, haren santutasuna gogoratuz.
Une
baterako da haren hasarrea,
bizi
guztirako haren onginahia.
Arratsean
negarra da gurean,
poz-oihua
goizean. R/.
V/. Entzun, Jauna, eta erruki nitaz,
izan
zakidaz laguntzaile, Jauna».
Negarra
dantza bihurtu deustazu,
Jauna,
ene Jainkoa, eskerrak emongo deutsudaz beti. R/.
Aleluia
Lk 3, 4. 6
R/. Aleluia.
V/. Prestatu bidea Jaunari,
zuzendu
bidezidorrak hari;
ikusiko
dabe gizaki guztiek
Jainkoaren
salbazinoa. R/.
Ebanjelioa
Jaunari bidea prestatzen deutson mezularia da Joan.
✠ Jesu Kristoren Ebanjelioa San Lukasen liburutik
Lk 7, 24-30
Joan Bateatzailearen mezulariek alde egin
ebenean, Joanez berbetan hasi jakon Jesus jenteari: «Zer ikustera urten zenduen
basamortura? Haizeak astintzen dauan kainabera? Zer ikustera urten zenduen,
bada? Apain jantzitako gizona? Apain janzten diranak eta atseginkerietan bizi
diranak errege-jauregietan egoten dira. Zer ikustera urten zenduen, bada?
Profetaren bat? Baietz dinotsuet, eta profeta baino be handiagoa dana. Horretaz
dago idatzita Liburu Santuan:
“Begira, neure mezularia bialtzen dot zure
aurretik,
zuri bidea prestatzera”.
Hara zer dinotsuedan: ez da sortu amaren
semerik Joan baino handiagorik. Halan be, Jainkoaren erreinuko txikerrena ha
baino handiagoa da».
Joani herri osoak entzun eutson, baita
zergalariek be; Jainkoak arrazoia ebala autortu eben, Joanen bateoa hartuz;
fariseuek eta lege-maisuek, ostera, haren bateoa baztertuz, alperrik galdu eben
Jainkoak eurentzat eban asmoa.
Jaunak esana.
Iruzkina
Alkartekoa ete da gure sinismena? Alkartekoekaz bat ete gatoz, gero? Ez ete dogu bakotxak bere erara kudeatzen bakotxarena dala uste dogun sinismena, eta bakotxak lasaitzen edo isiltzen bere kontzientzia? Holan bada, ez dogu behar Salbatzailerik. Geu gara geure buruaren salbatzaileak.
Begira gaurko ebanjelioan Jesusek Bateatzaileagaitik egindako goralpenen ondoren zer dinon fariseu eta lege-maisuekaitik: «fariseuek eta lege-maisuek, ostera, haren bateoa baztertuz, alperrik galdu eben Jainkoak eurentzat eban asmoa».
Pekatari eta zerga-batzaileek entzun egin eutsoen Joani, eta pekatuak autortu eta Jainkoagandiko graziari bidera urten eutsoen. Eta horrela, handi egin eben Bateatzailea.
Guk ere hainbeste dei entzuten dogu Abendualdian, Garizumaldian…, eta baita meza bakotxean ere. Baina hantxe egonaz nahikoa dogula ez ete dogu uste?
Egin geike Jesus handi, erreinuko txikiena baino ez bada izateko, haren esanak geuretuz?
Bateatzaileak prestakuntza ekarren. Askok entzun egin eutsoen eta onbideratu ziran. Jesusek gauzatu egiten dau Jainkoaren erreinua. Entzungo ete deutsagu?
Abendualdiko III. barikua
Astegun hau abenduaren 17a edo 18a bada, hemen ondoren datozen irakurgaiak itzi eta abenduko hilaren egun horretako irakurgai bereziak hartuko dira, 113-132. or.etan.
I. Irakurgaia
Nire etxea
otoitz-etxe da,
eta halan
deituko dabe herri guztiek.
Isaias Profetaren liburutik
Is 56, 1-3a. 6-8
Honan dino Jaunak:
«Gorde zuzenbidea, egin justizia,
heltzear
dago-eta nire salbazinoa,
agertzear
nire garaipena.
Bai
dohatsu hori egiten dauan gizakia,
horretan
irauten dauana:
zapatua
profanatu barik gordetzen dauana,
bere
eskuak gatxetik zaintzen dituana.
Ez
begi esan Jaunaren alde dagoan arrotzak:
"Jaunak
baztertuko nau bere herritik".
Jaunaren
kultu-zerbitzurako,
haren
izena maitatzeko eta haren morroi izateko
lotuko
jakozan atzerritarrak,
zapatua
profanatu barik gordetzen dabenak
eta
nire itunean leial irauten daben guztiak
neure
mendi santura ekarriko ditut,
eta
pozez beteko neure otoitz-etxean;
onartuko
ditut neure altara gainean
hareen
erre-opariak eta sakrifizioak;
nire
etxea otoitz-etxe dalako,
eta
halan deituko dabe herri guztiek».
Honan
berba egin dau Jainko Jaunak,
Israelgo
sakabanatuak batzen dituanak:
«Orain arte batutakoez gainera
gehiago
be batuko ditut».
Jaunak esana.
Erantzun salmoa
Sal 67 [66], 2-3. 5. 7-8 (R/. 4)
R/. Ene Jainko, aitatu zagiezala herriek,
aitatu zagiezala herri guztiek.
V/. Erruki bekigu Jainkoa eta bedeinkatu gagizala,
agertu
deigula aurpegi argia,
ezagutu
dagien munduan zure bidea,
nazino
guztietan Zugandiko salbazinoa. R/.
V/. Poztu beitez kantari nazinoak,
zuzentasunez
dozuz-eta gobernatzen herriak
eta
gidatzen munduan nazinoak. R/.
V/. Lurrak bere uzta emon dau,
Jainkoak,
gure Jainkoak, bedeinkatzen gaitu.
Bedeinkatu
gagizala Jainkoak,
izan
deiola begirune mundu osoak. R/.
Aleluia
R/. Aleluia.
V/. Zatoz, Jauna;
emoiguzu
zeure bakea,
Zugaz
bihotz onez poztu gaitezan. R/.
Ebanjelioa
Joan Bateatzailea argi-zuzi biztua eta distiratsua da.
✠ Jesu Kristoren Ebanjelioa San Joanen liburutik
Jn 5, 33-36
Aldi haretan, Jesusek esan eutsen
judegu-agintariei: «Zuek mandatariak bialdu zeuntsoezan Joan Bateatzaileari,
eta harek autormen egin eutson egiari. Ez dinot hau inongo gizakiren
autormen-beharrik dodalako, zuek salbatu zaitezen baino. Joan Bateatzailea argi-zuzi
biztua eta distiratsua zan, zuek, ostera, alditxu batez, poza hartu gura izan
dozue haren argian.
Baina Nik badaukat Joanen autormena baino
hoberik: Nik betetzeko Aitak emon deustazan egintzak; neure egintzek egiten
dabe autormen nire alde eta Aitak bialdu nauala probatzen.
Jaunak esana.
Iruzkina
Baliokoa ete da norbere buruaren testigantza emotea? Baina, hori egiten ete dau Jesusek? Ez ete dau egoerearen irakurketea egiten eta agintariak eta honeen bihurrikeriak salatzen?
Jesusen jarraitzaile izatea ez da, beste ezeri jaramonik egin barik norbere betekizunetan salbamena lortzea, egiaren eta erreinuaren testigu izatea baino.
Geure egunerokoan ikusten badogu hau gauzatuta orduantxe esan geike Salbatzaile suertatu jakula Jesus.
Baina, kontuz! Farisearrek-eta ez eben beste salbazinorik itxaroten, Legea beteteaz lortzen ebela uste ebelako.
Ez dakigula jazo hori guri. Jesus autortzen dogu Salbatzaile bakar. Harexengan ikusten dogu Jainkoaren aurpegia; dastatzen dogu haren errukia, eta gozatzen dogu haren maitasuna.
Eta zer gara guzti horren barri emoten ez badogu, geuretzat baino ez badogu gordeten? Farisearrak salatzen ebazan lez salatuko gindukez Jesusek.
Geure egintzek eta esanek azaleratu daiela, ba, Jesusen jarraitzaileak garala, erreinuaren pozean bizi garala.
