Abendualdiko I. astelehena
A urtean, aukeran, irakurgai hau aurreko domekan irakurria izan denean, hurrengoa iragarri daiteke:
I. Irakurgaia
Jaunak herri
guztiak batu Jainkoaren erreinuan,
betiko bakea
gozatu dagien.
Isaias Profetaren liburutik
Is 2, 1-5
Isaiasek, Amosen semeak, Judaz eta
Jerusalemez izandako ikuskaria:
Azken
egunetan, Jaunaren etxea dagoan mendia
beste
mendiak baino gorago ezarriko dau Jaunak,
beste
menditxuak baino gorago;
hara
joko dabe nazino guztiek
eta
herri asko joango da bertara, esanez:
«Zatoze, igon dagigun Jaunaren mendira,
Jakoben
Jainkoaren etxera;
Berak
erakutsiko deuskuz bere bideak,
eta
gu haren bidezidorretan ibiliko gara;
Siondik
urtengo dau-eta legeak
eta
Jerusalemdik Jaunaren hitzak».
Berak
epaituko ditu nazinoak,
auzira
ekarriko herri guztiak.
Golde
bihurtuko dabez ezpatak eta igitai lantzak.
Ez
dau herrik herriren aurka ezpatarik jasoko,
ez
dira gudurako barriz trebatuko.
Zatoz,
Jakoben herri,
gabiltzan
Jaunaren argitan.
Jaunak esana.
Edota A urtean, aukeran, irakurgai hau aurreko domekan irakurria izan denean:
I. Irakurgaia
Edergarri
izango da,
Israelen
bizirik geldituentzat.
Isaias Profetaren liburutik
Is 4, 2-6
Egun haretan, Jaunaren kimua edergarri eta
ospetsu izango da
eta
lurraren emoitza harrobide eta apaingarri
Israelen
bizirik geldituentzat.
Santu
deituko dabez Sionen geldituak, Jerusalemgo hondarrak;
Jerusalemen
bizitzeko aukeratuak.
Jaunak
bere zigor-epaia beteko dauanean,
Siongo
bizilagunen zikinak kenduko ditu
eta
Jerusalemen isuritako odola garbituko.
Orduan,
Sion mendi osoan eta hango batzarrean
lainoa
eta kea sortuko ditu Jaunak egunez,
sugar
bizia gauez.
Guztiaren
gainetik Jaunaren aintza izango da estalki eta txabola,
kerizpe
egin dagian uda beroan,
babes
izan dadin euritan,
aterpe
zaparradan.
Jaunak esana.
Erantzun salmoa
Sal 122 [121], 1-2. (4-5. 6-7. ) 8-9 (R/. ik. 1b)
R/. Goazen pozik Jaunaren etxera!
V/. Ha poza nirea, esan eustenean:
«Goazen Jaunaren etxera!»
Hona
orain nire oinak
zure
ateetan, Jerusalem. R/.
V/. [Hara igoten dabe leinuek, Jaunaren leinuek,
Israelen
lege danez, Jaunaren izena gorestera.
Han
dagoz ezarriak auzi-mahaiak,
Daviden
jauregiko mahaiak. R/.
V/. Eskatu bakea Jerusalementzat,
bizi
beitez nasai maite zaituenak.
Izan
bedi bakea zure harresien barruan,
nasaitasuna
zure jauregietan. R/. ]
V/. Neure senide eta lagunen izenean be,
hau
dinot: «Bakea zugaz!»
Jaunaren,
gure Jainkoaren, etxeagaz,
zoriona
eskatzen dot zuretzat. R/.
Aleluia
Ik. Sal 80 [79], 4
R/. Aleluia.
V/. Zatoz gu askatzera, Jauna, gure Jainkoa;
erakutsi
aurpegi argia, salbatu gaitezan. R/.
Abendualdian hilaren 16a arteko astegun bakoitzerako jarria dagoen aleluia-txatalaren ordez, beste bat har daiteke orrialde honetan datozenetatik.
Ebanjelioa
Asko etorriko
dira sortaldetik eta sartaldetik
zeruetako
erreinura.
✠ Jesu Kristoren Ebanjelioa San Mateoren liburutik
Mt 8, 5-11
Aldi haretan, Jesus Kafarnaum herrian sartu
zala, erromatar ehuntari bat etorri jakon, arrenka esanez: «Jauna, elbarri eta
oinaze-minetan dago nire morroia etxean». Jesusek esan eutson: «Joan eta
osatuko dot».
Baina ehuntariak erantzun eutson: «Jauna, ni
ez naz inor Zu nire etxean sartzeko; baina esaizu berba bat eta osatuko da nire
morroia. Neuk be, neu besteren menpean egon arren, soldaduak dodaz neure
menpean, eta bati joateko agintzen badeutsat, joan egiten da; beste bati
etortzeko agindu, eta etorri; eta nire morroiari zer edo zer egiteko esan, eta
halan egiten dau».
Hori entzunda, harritu egin zan Jesus eta
ondoren etorkozanei esan eutsen: «Egia esan, Israelen ez dot inorengan aurkitu
horrenbesteko sinismenik. Eta hauxe dinotsuet: Asko etorriko dira sortaldetik
eta sartaldetik, eta zeruetako erreinuko mahaian jesarriko dira, Abraham, Isaak
eta Jakobegaz».
Jaunak esana.
Iruzkina
Emon deutsagu hasiera Abendualdiari, eta ez litzateke gehiegizko galderaren bat edo beste egitea, ezer ez balitz lez joan ez gaitezan gure ibilbidean.
Zer itxaron daiket aldi honetan? Ezer bai?
Liturgian iragarten dan Jainkoaren Hitzak gure bizitza argitu eta adoretu leikela uste dogunok itxaropentsu agertu geintekez aldi honetan. Abendua itxaropen aldia dala esaten dogu, eta aspaldi danik entzuten dogu hau.
Baina… itxaropen faltan aurkitzen naz? Zer itxaroten dot? Itxaroten dodan horri erantzuten deutso abendualdian iragarten dan Jainkoaren Hitzak? Ala, iragarten jatana neuretzen badot baino ez da bere betera helduko nire itxaropena?
Galdera honi erantzun barik ez aurrera jarraitu.
Jainkoa arduratuta daukagula aurkituko dogu; ez dago urrunean, gutaz ahaztuta. Ondo ezagutzen gaitu, maite gaitulako. Eta harengana sinismenaz hurreratzen dana ez da erantzun pozgarri eta zoriontsu barik geldituko: norbere eza, mugak eta txikitasuna eta beharrizanak autortzen dakianak ikusiko dau Jainkoak aintzat hartua dala: harek garbitu, txukundu eta bizi barritu egiten dauala… erbestekoa izan arren.
Jainkoak gizaki guztiak ditu seme-alaba, guk besterik uste badogu ere.
Abendualdiko I. martitzena
I. Irakurgaia
Haren gainean Jaunaren espiritua kokatuko da.
Isaias Profetaren liburutik
Is 11, 1-10
Egun haretan, kimu bat sortuko da Jeseren
zuhaitz-hondotik,
muskil
bat erneko haren zuztarretik.
Haren
gainean Jaunaren espiritua kokatuko da:
jakituria
eta adimen-espiritua,
kontseilu-
eta sendotasun-espiritua,
ezaguera-
eta Jaunaganako begirune-espiritua.
Jaunaganako
begirunea izango dau pozbide.
Ez
dau auzia itxuraz bakarrik erabagiko,
ezta
epaituko be entzuten dauanaz.
Zuzen
erabagiko dau behartsuaren auzia
eta
zuzenbidez epaituko herriko apalak.
Bere
ahoko zigorraz joko ditu gogorrak,
bere
ezpanetako arnasaz hilko gaizkileak.
Zuzentasunak
eta leialtasunak inguratuko dabe,
garrikoak
garria lez.
Otsoa
bildotsagaz biziko da,
lehoinabarra
aumeagaz etzungo,
txekorra
eta lehoikumea alkarregaz larratuko dira,
eta
umetxu bat izango dabe artzain.
Behia
eta hartza batera larratuko dira,
hareen
umeak alkarregaz etzungo;
lehoiak
lastoa jango dau, idiak lez.
Bularreko
umea suge-zulo gainean jolastuko da,
eta
bularra itzi barriak
suge
gorriaren zuloan sartuko dau bere eskua.
Nire
mendi santu osoan
ez
dau inork kalterik, ez hondamenik egingo,
Jaunaren
ezagueraz beteko da-eta lurraldea,
itsasoa
urez betea dagoan lez.
Egun
haretan, Jeseren zuztarreko muskila
herrien
banderatzat jasoko dabe;
herriak
haren bila etorriko dira,
eta
ospetsua izango da haren egoitza.
Jaunak esana.
Erantzun salmoa
Sal 72 [71], 1-2. 7-8. 12-13. 17 (R/. ik. 7)
eta bakea ugari betieran.
V/ Ene Jainko, emoiozu zeure zuzentasuna
erregeari,
zeure
justizia erregearen semeari.
Gobernatu
begi zure herria justiziaz,
zure
dohakabeak zuzenbidez. R/.
V/ Haren egunetan, loratu bedi justizia,
ugaritu
bakea, iretargia amatatu arte.
Izan
bedi nagusi itsasotik itsasoraino,
lurraren
bazter batetik besteraino. R/.
V/ Berak libratuko dau oihuka dagoan behartsua,
nork
lagundurik ez dauan dohakabea.
Erruki
izango deutse gizajo eta behartsuei,
bizia
salbatuko pobreei. R/.
V/ Iraun begi haren izenak betiko,
zabaldu
bedi haren ospea eguzkiak dirauan bitartean.
Bedeinkatuak
izango dira harengan nazino guztiak,
zoriontsu
autortuko dabe bera. R/.
Aleluia
R/. Aleluia.
V/. Hara, indartsu dator gure Jauna
eta
argituko ditu bere zerbitzarien begiak. R/.
Ebanjelioa
Jesus Espiritu Santuaren pozez beterik.
✠ Jesu Kristoren Ebanjelioa San Lukasen liburutik
Lk 10, 21-24
Aldi haretan, Jesusek, Espiritu Santuaren
pozez beterik, esan eban: «Bedeinkatua Zu, Aita, zeru-lurren Jauna, gauza
honeek jakitunei eta burutsuei gorde eta jente apalari agertu deutsezuzalako.
Bai, Aita, halan izan dozu gogoko. Nire Aitak dana emon deust, eta ez dau inork
ezagutzen Semea nor dan, Aitak baino; ezta Aita nor dan be, Semeak baino eta
Semeak agertu gura deutsonak baino».
Eta ikasleakana bihurturik, esan eutsen
eurei bakarrik: «Zorionekoak, zuek ikusten dozuena ikusten daben begiak. Hara
zer dinotsuedan: profeta eta errege askok ikusi gura izan eban zuek ikusten
dozuena, baina ez eban ikusi, eta entzun zuek entzuten dozuena, baina ez eban
entzun».
Jaunak esana.
Iruzkina
Zelan ulertu behar doguz itxaropenerako luzatzen jakuzan berbok? Mundu amesgarria azaldu deusku profeteak: txarrik, areriorik eta ezelango kaltegarririk bako mundua… Ameskeria? Egun baten… —dino.
Egun horretarantza goaz joan; betetasun Eguna izango dan horretarantza. Hori argi daukanak haren arabera moldatuko dau bizikerea.
Bizikera horretan ezbeharrak egongo dira (ez da-eta azkena); baina itxaropenak oratuta gaindituko dauz guztiak.
Bai behar dala hori onartzeko eta norberetzeko, eta horren arabera jokatzeko, bihotz apala eta uste on osoa Jesusengan jartea!
Jainkoa ezagutzeko Jesusengana jo behar dogu: hari entzun, haren egintzak geuretu eta, haren antzera, uste on osoa Jainkoagan jarrita, haren esanetara jardun.
Tamalez, behera begira eta norberea zaindu guran gabiltzanok, indarrak eta ondasunak metatzen ahalegintzen gara, ustea euretan jarriz. Eta metok aurrekoa ikusten ere itzi ez, eta ha zapaltzera garoez.
Badau pobreziak baliorik, besteengana ustetsu garoazalako. Eta daukaguna (pobreak ezer ez daukalako), besteenganako uste ona da, hareengandik ezer babestu beharrik ez daukagulako.
Abendualdiko I. eguaztena
I. Irakurgaia
Jai-jatordua
emongo deutse Jaunak herri guztiei
eta sikatuko
ditu aurpegi guztietako negar-malkoak.
Isaias Profetaren liburutik
Is 25, 6-10a
Egun horretan, jai-jatordua emongo deutse
Jaun
ahalguztidunak mendi honetan herri guztiei,
janari
guri eta edari bikainekin,
haragi
mamintsu eta ardao zahar finekin.
Mendi
honetan kenduko dau
herri
guztien gainean zabalduta dagoan estalkia,
nazino
guztiak estaltzen dituan oihala.
Betiko
hondatuko dau heriotza;
sikatuko
ditu Jainko Jaunak aurpegi guztietako negar-malkoak
eta
lur osotik aldenduko dau bere herriaren lotsakizuna,
Jaunak
hitz egin dau-eta.
Eta
egun haretan esango da:
«Hara gure Jainkoa!
Itxaron
genduan salbatuko ginduzala;
Jauna
da: harengan genduan itxaropena.
Poztu
gaitezan eta alaitu, salbatu gaitualako.
Jaunaren
eskua mendi honetan kokatuko da».
Jaunak esana.
Erantzun salmoa
Sal 23 [22], 1-3. 4. 5. 6 (R/. 6cd)
R/. Jaunaren etxean naz biziko luzaroen luzaro.
V/. Jauna dot artzain, ez naz ezeren beharrizanean;
larre
gurietan etzunazoten nau,
ur-bazter
nasaira eroaten
eta
indarrak deustaz barritzen;
bide
segurutik naroa,
bere
izenari ohore eginez. R/.
V/. Ibar baltz ilunean banabil be,
ez
naz gatxaren bildur,
Zu
nigaz zagoz-eta;
zure
artzain-makilak nasaitzen nau. R/.
V/. Mahaia atontzen deustazu
arerioen
begi-bistan;
orioz
igurzten deustazu burua,
gainezka
dot edontzia. R/.
V/. Zoriona eta maitasuna ditut lagun,
bizitzako
egun guztietan,
eta
Jaunaren etxean biziko naz
amaibako
egunetan. R/.
Aleluia
R/. Aleluia.
V/. Begira, badator Jauna bere herria salbatzera;
zorionekoak
hari bidera urteteko gertu diranak! R/.
Ebanjelioa
Gaixo asko
osatu eban Jesusek
eta ogiak
ugaritu.
✠ Jesu Kristoren Ebanjelioa San Mateoren liburutik
Mt 15, 29-37
Aldi haretan, Galileako itsasbazterrera joan
zan Jesus; mendira igon eta bertan jesarri zan. Jente asko inguratu jakon,
herren, itsu, besobakar, mutu eta bestelako gaixo asko eroanez; oinetan jartzen
eutsoezan, eta harek osatu egiten zituan. Jentea harrituta gelditu zan ikusten
ebanaz: mutuak berbetan, besobakarrak osatuak, herrenak ibiltzen eta itsuak
ikusten. Eta Israelen Jainkoa goresten hasi ziran.
Jesusek ikasleei dei egin eta esan eutsen:
«Erruki dot hau jenteau; badaroaz hiru egun Nirekin eta ez dau jatekorik. Ez
dodaz baraurik bialdu gura, bidean lur jota geratu ez daitezan».
Ikasleek esan eutsoen: «Nondik atara guk
basamortu honetan horrenbeste jente asetzeko beste ogi?» Jesusek esan eutsen:
«Zenbat ogi dituzue?» Hareek erantzun: «Zazpi, eta arraintxu bakar batzuk».
Lurrean jesartzeko agindu eutson jenteari;
gero, hartu zituan zazpi ogiak eta arrainak eta, esker-otoitza egin ondoren,
zatitu eta ikasleei emon eutsezan, eta ikasleek jenteari. Guztiek jan eben ase
arte, eta gelditutako hondakinakaz zazpi otzara bete batu zituen.
Jaunak esana.
Iruzkina
Gaurko irakurgaiok Mesiasen aldietara garoez: ugaritasun aldiak dira; beharrizan eta premina guztiak, txarkeria eta arrisku guztiak gaindituta gelditu dira aldiotan. Erbestean dagoan herriak amesten dauzan aldiak dira. Eta horren barri emoten deutso profetak, haren itxaropena biztuz.
Zer beste behar dau ezbeharraren erdian eta atsekabean dagoan batek itxaropena besterik! Baina luzaroan itxaroten dauanari lurrera ez ete jako jausten itxaropena? Etsipenera ez ete da jausten bera?
Ebanjelioaren haritik beste hauxe ikusi geike: Jesusen ustez Jainkoaren erreinua geure artean dala. Amesten doguzan Mesiasen egun-aldiak geure artean dirala. Harek egiten dauana egiten badogu, gauzatua ikusiko dogula…
Ondasun gehiegi daukagu; beharrizanei alkarren laguntzaz erantzun geikee… eta, danak aseturik geldituta, ondasunak soberan dagoz.
Sinistea besterik ez dogu behar. Jesusengan uste on osoa jartea, "lehenengo besteak egin daiela" eskatu barik; aldi honetako norkeria eta norberekeria gaindituta…
Larregi eskatzea da! Eta halaxe galduko dogu beste aukera bat, itxaropena oihukatzen dogun artean.
Abendualdiko I. eguena
I. Irakurgaia
Sartu bedi herri zintzoa eta leiala
Isaias Profetaren liburutik
Is 26, 1-6
Egun haretan, kantu hau abestuko dabe Judako
lurraldean:
«Bai sendo gure uria,
harresi
eta harresi-aurreko jarri deutsoz babes.
Zabaldu
egizuez ateak, sartu dadin herri zintzoa eta leiala.
Sendo
dauka bihotza, Jauna;
Zuk
zaintzen deutsazu bakea,
Zugan
dau-eta uste osoa.
Izan
uste on beti Jaunagan,
Jauna
da-eta hatx gizaldien gizaldietan.
Goian
bizi diranak jaitsiazoten ditu;
uri
garaia lurreraino, hautsa jotzeraino, botatzen dau;
apalaren
oinek zapalduko dabe,
behartsuek
hankapean erabiliko».
Jaunak esana.
Erantzun salmoa
Sal 118 [117], 1 eta 8-9. 19-21. 25-27a (R/. 26a)
R/. Bedeinkatua Jaunaren izenean datorrena!
Edo: Aleluia.
V/. Eskerrak Jaunari, ona da-eta,
haren
maitasuna betikoa da-eta.
Hobe
da Jaunagan babestea
gizakiaz
fidatzea baino;
hobe
Jaunagan babestea
handikiez
fidatzea baino. R/.
V/. Edegi niri garaipenaren ateak,
Jaunari
eskerrak emotera sartu nadin.
Hona
Jaunaren atea,
sartu
beitez bertatik garaileak.
Eskerrak
Zuri erantzun deustazulako,
nire
salbatzaile izan zaralako. R/.
V/. Emon, Jauna, salbazinoa,
emon,
Jauna, zoriona!
Jainko
da Jauna, berak egiten deusku argi. R/.
Aleluia
Is 55, 6
R/. Aleluia.
V/. Bilatu egizue Jauna, aurkitu daiteken
bitartean,
dei
egiozue, hurrean dagoan bitartean. R/.
Ebanjelioa
Aitaren nahia
egiten dabenak
sartuko dira
zeruetako erreinuan.
✠ Jesu Kristoren Ebanjelioa San Mateoren liburutik
Mt 7, 21. 24-27
Aldi haretan, Jesusek esan eutsen ikasleei:
«Ez da nahiko Niri “Jauna, Jauna” esatea zeruetako erreinuan sartzeko; hau da
beharrezkoa: zeruan dagoan nire Aitaren nahia egitea.
Beraz, nire berba honeek entzuten eta
betetzen dituana bere etxea hatx gainean eregi eban gizon zentzundunaren
antzekoa da. Egin eban euria, etorri ziran uriolak, jo eban haizeak eta eraso
eutsoen etxe hari; baina ez zan jausi, ze, hatx gainean oinarrituta egoan.
Nire berba honeek entzun bai, baina betetzen
ez dituana, bere etxea hondar gainean eregi eban gizon burubakoaren antzekoa
da. Egin eban euria, etorri ziran uriolak, jo eban haizeak eta eraso eutsoen
etxe hari; eta jausi egin zan eta guztiz hondatuta gelditu».
Jaunak esana.
Iruzkina
Itxaropen aldi honetan eraikuntzarako oinarriak eskeintzen jakuz. Behin eta barriz esango jaku Jainkoa geure alde dogula, gure babesle dala, beragan aurkitu geikela laguntza…
Baina gura ete dogu guk ezer eraiki? Gurea kontsumitzea ez ete da, apurtzea, deuseztea, hiltea, hondakinak metatzea…?
Kexu gara aldakuntza klimatikoa dala-eta. Baina ez dogu murriztu gura gure kontsumoa, eta gero eta hondakin gehiago eta kutxakorragoak sortzen doguz.
Bardintasuna aldarrikatzen dogun artean gero eta erasotuagoak dira emakumeak edo LGTBI+ taldekideak.
Guzti horren aurrean Jesusek bera dan hax sendoan eraikitzea eskeintzen deusku; beragan jarten badogu uste ona ez dogula hutsik egingo-eta.
Ulertuko bagendu Jesus aukeratzeak hainbeste gauza (lotzen eta menperatzen gaituen hainbeste gauza) ez behar izatera garoazala; bestea senide lez hartzera eta hari errespetu izatera, ha maitatzera eta hari laguntzera…
Gizarte senidekorrago baten itxaropenean onartu geikez Jesusen berbok, eta gure hartu-emonak ha dan hatx sendoan oinarritu.
Abendualdiko I. barikua
I. Irakurgaia
Egun haretan ikusiko dabe itsuen begiek.
Isaias Profetaren liburutik
Is 29, 17-24
Honan berba egiten dau Jaunak:
«Luzaro barik, Libanoko basoa lorategi
bihurtuko da
eta
lorategia baso.
Egun
haretan gorrek entzungo dabez liburuko hitzak,
lausorik
eta ilun barik ikusiko dabe itsuen begiek.
Apalak
alaituko dira barriro Jaunagan,
eta
behartsuenak poztuko Israelgo Santuagan.
Izan
be, zapaltzailea hilko da,
harroputza
galduko,
kalte
egiteko erne dabiltzanak akabatuko;
hau
da, besteak guzurrez salatzen,
auzitegian
defentsa eragozten
eta
errubakoa hondamendira eroaten dabenak».
Horregaitik,
honan berba egiten dau Jaunak,
Jakoben
ondorengoen Jainkoak, Abrahamen salbatzaileak:
«Jakoben ondorengoak ez dira aurrerantzean
lotsatuko;
hareen
aurpegia ez da gehiago lotsaz gorrituko.
Izan
be, Nik hareen erdian eginak ikustean,
nire
izena santu autortuko dabe,
santu
autortuko Jakoben Santua,
eta
Israelen Jainkoaren bildur izango dira.
Burugalduak
zentzundun egingo dira
eta
marmarka dabiltzanek ikasbidea hartuko dabe».
Jaunak esana.
Erantzun salmoa
Sal 27 [26], 1. 4. 13-14 (R/. 1a)
R/. Jauna dot argi eta salbamen.
V/. Jauna dot argi eta salbazino,
nork
ni bildurtu?
Jauna
biziaren babes,
nork
ni ikaratu? R/.
V/. Gauza bat eskatzen deutsat Jaunari,
horren
bila nabil ni:
bizi
nadila Jaunaren etxean
neure
bizitzako egun guztietan,
Jaunaren
edertasuna miretsiz
eta
haren tenplua zainduz. R/.
V/. Ziur dakit Jaunaren ontasuna
gozatuko
dodala
bizidunen
lurrean.
Itxaron
Jaunagan!
Eutsi
gogor, izan bihotz!
Itxaron
Jaunagan! R/.
Aleluia
R/. Aleluia.
V/. Hara, indartsu dator gure Jauna
eta
argituko ditu bere zerbitzarien begiak. R/.
Ebanjelioa
Jesusengan
sinistu eben itsu bi
osatu egin
ziran.
✠ Jesu Kristoren Ebanjelioa San Mateoren liburutik
Mt 9, 27-31
Aldi haretan, Jesusek handik urtetean, itsu
bik jarraitu eutsoen, oihuka: «Erruki zakiguz, Daviden Seme!» Etxera heltzean,
itsuak hurreratu jakozan eta Jesusek esan eutsen: «Sinisten dozue nik hori egin
neikena?» Hareek erantzun: «Bai, Jauna».
Orduan, begiak ikutu eutsezan, esanez:
«Gertatu bekizue sinisten dozuen bezala». Eta edegi egin jakezan begiak.
Jesusek zorrotz agindu eutsen: «Begira, gero, ez dagiala inork be jakin». Baina
hareek, urten orduko, eskualde guztian emon eben Jesusen barri.
Jaunak esana.
Iruzkina
Abendua itxaropen aldia dala dinogunok beste hauxe ere argi euki behar izango geuke: gure itxaropenaren asebetea ez jakula kanpotik etorriko.
Eta gehiegitan —beti ez bada— Jainkoa gugandik kanpo dana, eta urrun gainera, sentitzen dogu. Behar bada, halan izan garalako irakatsiak. Eta egin dogun lehen irakurgaiak ere horretaraxe eroan geinkez.
Baina ebanjelioak argi dinosku gure beharrizanetan Jesusengana joten badogu bere etxean sartu eta lortuko dogula gure itsukerietatik urtetea, lortuko dogula ikustea.
Zenbat gauza on daukaguzan inguruan eta baita gure barruan ere…, eta ez doguz ezagutzen.
Gure begiak Jesusek zabaldu deiguzala behar dogu, gure azalkeriak baino harago ikusi ahal izan daigun.
Gure azaleko izakerea alde batera laga eta barrukoa, sakona, benetakoa landu gura izan ezkero baino ez gara hurreratuko Jesusengana. Orduan haren etxean sartuko gara eta emongo deusku beste era batera ikusten hastea.
Jainkoa ez dala urrun eta gugandik kanpo onartuko geuke; geure hondoan, sakonean, aurkituko geukelako.
Egin deiogun harrera on eta jar daigun beragan uste osoa. Ez dauka etorri beharrik: hortxe da. Zabaldu deiguzala begiak.
Abendualdiko I. zapatua
I. Irakurgaia
Errukituko jatzu Jauna zeure deiaren hotsera.
Isaias Profetaren liburutik
Is 30, 19-21. 23-26
Hauxe dino Jainko Jaunak, Israelgo Santuak:
«Siongo herri, Jerusalemen bizi zarana,
ez
dozu gehiago negarrik egingo;
errukituko
jatzu Jauna zeure deiaren hotsera
eta
entzun orduko erantzungo deutsu.
Jaunak
ogia urri eta ura eskas emongo badeutsu be,
zure
irakaslea ez jatzu gehiago ezkutatuko;
zeure
begiz ikusiko dozu irakaslea.
Eskumara
nahiz ezkerrera okertzen bazara be,
zure
belarriek hitz bat entzungo dabe, atzetik esaten:
"Hau
dozu bidea, jo hemendik".
Jaunak
emongo deutso euria zuk lurrean ereindako haziari
eta
zure lurrak gari-uzta mardula eta oparoa emongo dau;
egun
haretan zure abereak larre zabaletan larratuko dira;
solo-lanetan
diharduen zure idi eta astoek
bedar
gozoa jango dabe,
galbahez
eta sardez haizatua.
Mendi
handi guztietan,
bizkar
goren guztietan,
errekatxuak
eta ubideak izango dira,
hilketa
handiaren egunean,
arerioen
torreak irauliko diranean.
Jaunak
bere herriaren zauria lotu
eta
kolpearen haustura osatuko dauanean,
eguzkiak
lez egingo dau argi iretargiak
eta
eguzkiaren argia zazpi bider handiagoa izango da,
zazpi
egunekoa egun baten lakoa».
Jaunak esana.
Erantzun salmoa
Sal 147 [146], 1-2. 3-4. 5-6 (R/. Is 30, 18)
R/. Zorionekoak Jaunagan itxaroten dabenak.
V/. Bai eder gure Jainkoa kantuz ospatzea,
bai
gozo ha doinu eztiz gorestea!
Jaunak
dau Jerusalem berreraikitzen,
Israelgo
erbesteratuak batzen. R/.
V/. Bihotz-hausiak ditu osatzen
eta
hareen zauriak lotzen.
Izarren
kopurua finkatzen dau
eta
bakotxari bere izena emoten. R/.
V/. Handia da gure Jauna, guztiz indartsua,
haren
jakituria neurribakoa.
Jaunak
zutunik eusten deutse umilei,
lurreraino
botatzen ditu gaiztoak. R/.
Aleluia
Is 33, 22
R/. Aleluia.
V/. Jauna da gure epailea eta legegilea,
Jauna
gure erregea; bera gure salbatzaile. R/.
Ebanjelioa
Jentetza ikustean, erruki izan eban.
✠ Jesu Kristoren Ebanjelioa San Mateoren liburutik
Mt 9, 35b10, 1. 5a. 6-8
Aldi haretan, herriz herri eta auzorik auzo
ebilen Jesus, hango sinagogetan irakasten, erreinuaren gaineko Barri Ona
iragarten eta gatx eta gaixotasun guztiak osatzen. Jentetza ikustean, erruki izan
eban, ze nekatuta eta lur jota egoan ha jentea, artzainik bako ardiak lez.
Orduan, ikasleei esan eutsen: «Uzta ugaria da, baina langileak gitxi. Erregutu,
bada, uzta-jabeari, bialdu dagizan beharginak bere uztara».
Jesusek, hamabi ikasleei dei eginik,
ahalmena emon eutsen espiritu txarrak botatzeko eta gatx eta gaixotasun guztiak
osatzeko. Hamabi horreek bialdu zituan Jesusek, ohar honeek eginez: «Ez joan
jentilen lurraldeetara ezpada zoaze Israel herriko ardi galduetara. Bidean
zoazeela, iragarri hurrean dala zeruetako erreinua. Osatu egizuez gaixoak,
biztu hildakoak, garbitu legenardunak, bota deabruak. Hutsean hartu dozue, emon
hutsean».
Jaunak esana.
Iruzkina
Ba ete dago itxaropenean bizi izateko arrazoirik? Itxaron behar ete dogu onik? Krisialdi larrian bizi garala, bakotxak berera, ahal dauanak ahal dauana egiten dauala ikusten dogu besterenik kontuan hartu barik.
Horren ondoan, hainbeste negar eta hainbeste kexati, pobrezian, etxe barik, lanik barik, diru-sarrera barik…, inoren laguntzaz bizi izan beharrean, duintasuna galtzeko zorian…
Ba ete dago itxaropenerako arrazoirik?
Profetak Jainkoa bere herriaren alde dagoala iragarten deutso herriari; honen lanak bere frutua emongo dauala, Jainkoak holantxe daukalako ebatzita. Baina… noiz?
Gure itxaropenak bere neurria dauka, mugatuak garalako, aldian eta lekuan.
Holantxe ikusten dauz Jesusek bere inguruko herritarrak. Eta bereei dei egin deutse, doan hartua doan emotera bialduz.
Ondasun eta onuren mundua aldatuko bagendu, orain daukaguzan ardurak albo batera jaurti, eta geureak uste doguzan, eta hartutakoak diran dohaiak banantzen jardungo geuke, eta bere frutua emongo leuke: behartsu bako gizartea, senidekorragoa.
Baina zelan ulertu eta gauzatu hau?
