I. Irakurgaia
Jainkoa bera dator zuek salbatzera.
Isaias Profetaren liburutik
Is 35, 1-10
Poztu beitez basamortua eta lur agorra,
alaitu
bedi eremua, eta lilia lez loratu,
jantzi
bedi lorez eta egin begi irrintzi eta jauzi pozaren pozez.
Libano
baizen zoragarri
eta
Karmel mendia eta Xaron lautada baizen eder bihurtuko dira.
Ikusiko
dabe Jaunaren aintza, gure Jainkoaren edertasuna.
Indartu
egizuez esku ahulduak, sendotu belaun makalduak;
esan
bihotz-bildurtiei:
«Eutsi gogor! Ez bildurrik izan! Horra zuen
Jainkoa!
Berbera
dator zuek salbatzera
eta
merezi daben zigorra arerioei emotera».
Orduan,
itsuen begiak edegiko dira
eta
gorren belarriak zabalduko;
herrenak
basahuntzak lez salto egingo dau
eta
mutuaren mihinak oihu egingo pozez.
Urak
sortuko dira basamortuan eta errekak eremuan;
lur
idorra urtegi bihurtuko da eta lur agorra iturri.
Basatxakurren
etzunlekuan kanaberak eta ihiak haziko dira.
Bide
zabala izango da han, eta «Bide Santua» deituko deutsoe.
Kutsatutako
inor ez da han ibiliko,
ezta
zentzunbakorik be handik joango.
Han
ez da lehoirik izango, ezta piztitzarrik be aurkituko.
Jaunak
askatuak ibiliko dira bide horretan,
harek
libratuak bihurtuko handik.
Pozez
kantari etorriko dira Sionera;
amaibako
alaitasuna hareen aurpegian!
Poza
eta alaitasuna izango dabez lagun.
Nahigabeak
eta negarrak ihes egingo dabe.
Jaunak esana.
Erantzun salmoa
Sal 85 [84], 9ab eta 10. 11-12. 13-14 (R/. Is 35, 4d)
R/. Horra gure Jainkoa;
bera dator gu salbatzera!
V/. Entzungo dot Jainkoak dinoana:
Jaunak
bakea agintzen deutse bere herriari eta fededunei.
Hurrean
dabe salbazinoa begirune deutsoenek;
bai,
gure lurraldean kokatuko da Jaunaren aintza. R/.
V/. Maitasunak eta leialtasunak alkar dabe
aurkitzen,
justiziak
eta bakeak alkar besarkatzen.
Leialtasuna
lurretik da ernetzen,
justizia
zerutik jaisten. R/.
V/. Jaunak emongo dau euria,
eta
gure lurrak ekarriko bere uzta.
Haren
aurretik joango da justizia,
haren
pausuei jarraituko deutse ondoizateak. R/.
Aleluia
R/. Aleluia.
V/. Begira, badator Erregea, lurbiraren Jauna;
berak
hausiko dau gure morrontzaren buztarria. R/.
Ebanjelioa
Harritzekoak ikusi doguz gaur.
✠ Jesu Kristoren Ebanjelioa San Lukasen liburutik
Lk 5, 17-26
Aldi haretan, Jesusek irakasten ziharduan.
Han egozan jesarrita Galileako eta Judeako auzo guztietatik eta Jerusalemdik
etorritako fariseu eta lege-maisu batzuk. Eta Jaunaren indarrak gaixoak
osatzera bultzatzen eban Jesus.
Horretan, etorri ziran gizon batzuk elbarria
esku-ohean ekarrela eta barrura sartu gura eben, Jesusen aurrean ipintzeko.
Baina jentetzagaitik ez ebenez aurkitzen nondik sartu, etxe gainera igon eta,
teilak kendurik, esku-ohe eta guzti jatsi eben erdira, Jesusen aurrera. Hareen
sinismena ikusirik, Jesusek esan eban: «Gizona, parkatuta daukazuz pekatuak!»
Lege-maisu
eta fariseuek inoen euren barruan: «Nor dogu biraoka dabilen hau? Nork parkatu
leikez pekatuak, Jainkoak baino?»
Baina Jesusek, hareen burutapenak igarririk,
esan eutsen: «Zer burutapen darabilzue zeuen barruan? Zer da errezago esatea:
“Parkatuta daukazuz pekatuak” ala “Jagi eta zabiltz?”Hara, bada, oraintxe
ikusiko dozue Gizonaren Semeak badaukala lurrean pekatuak parkatzeko ahalmena.
Eta esan eutson elbarriari: “Zeuri dinotsut: Jagi zaitez, hartu esku-ohea eta
zoaz etxera”». Jagi zan ha behingoan danen aurrean, hartu eban etxunda egoan
eskuohea eta etxera joan zan, Jainkoa goratuz.
Harrituta gelditu ziran guztiak eta Jainkoa
goratzen eben. Eta, bildurrez beterik, holantxe inoen: «Harritzekoak ikusi
doguz gaur».
Jaunak esana.
Iruzkina
Jesusek hitza iragarten dihardu hainbesteren aurrean, eta Espirituak osakuntzak egitera bultzatzen eban…
Zer ikusten dau, baina, Jesusek lagunaren osakuntza eskatzera jatorkozan hareengan? Sinismena!
Eta, nondik hasten da osatzen Jesus? Gizona, parkatuta daukazuz pekatuak!
Han egozan Lege-gizon eta Fariseuentzat jauspide izan ziran berbok (eskandalu). Eta guretzat?
"Pekatua! Zer da pekatua? Horreik lehengo gauzak dira" —esaten entzuten da sarritan gure artean.
Pentsatekoa dogu zer ulertu izan dogun, edo zer ulertzen dogun berba horren (pekatua) edukinaz.
Jesusek, lagun bat osatzeko emoten dauan lehenengo pausua, sinismenari esker pekatuak parkatuta daukazala gogoratzea da.
Ukatzen badogu pekatua, ez badakigu autortzen, bildurpean, ezkutatu egiten badogu…, haren menpe izango gara beti.
Jesusengan uste on osoa jarriz, osasuna izatekotan pekatuari uko egin behar deutsagula onartzen badogu, ha lez geu ere Espirituak osakuntzak egitera bultzatuko gaitu.
Abendualdiko II. martitzena
I. Irakurgaia
Jainkoak bere herria kontsolatu.
Isaias Profetaren liburutik
Is 40, 1-11
«Kontsolatu egizue, kontsolatu nire herria,
dino Jainkoak.
Berba
egin bihotzera Jerusalemi, egiozue oihu:
betea
dauala bere morroialdia, ordaindua bere erruen zorra,
Jaunaren
eskutik hartu dau-eta bere pekatu guztien ordain betea».
Ahots
bat deadarka dago:
«Prestatu basamortuan bidea Jaunari;
zelaitu
eremuan galtzada gure Jainkoari.
Bete
daitezala haranak, beheratu mendi eta muinoak;
bardindu
daitezala malkarrak, zelaitu lur-maldak.
Orduan
Jaunaren aintza agertuko da,
eta
gizaki guztiek batera ikusiko dabe.
—Jaunak
berak esan dau–».
Ahots
batek dino: «Deadar egizu».
Eta
nik: «Zer egin behar dot deadar?»
«Gizaki guztiak bedarraren parekoak dira,
hareen
edertasuna mendi-lorearena lakoa;
Jaunak
bere arnasaz haize emotean,
igartu
egiten da bedarra, zimeldu lorea.
Bai,
bedarraren pareko da herria!
Igartzen
da bedarra, zimeltzen lorea;
gure
Jainkoaren hitzak, ostera, betiko dau irauten».
Igon
mendi-gailurrera, Siongo mezularia;
egin
deadar handi, Jerusalemgo mezularia;
egin
deadar, ez bildur izan.
Esan
Judako uriei:
«Hona hemen zuen Jainkoa.
Hara,
indarrez jantzita dator Jainko Jauna,
eta
haren besoa nagusi da.
Hara,
beragaz dakar garaipen-agiria
eta
bere aurretik berak askatutako herria.
Artzainak
lez zaintzen dau artaldea;
arkumeak
besoan hartu eta altzoan eroaten ditu,
ardi-ama
barriak arduraz gidatzen».
Jaunak esana.
Erantzun salmoa
Sal 96 [95], 1-2. 3 eta 10ac. 11-12. 13 (R/. ik. Is 40, 9-10)
R/. Hara, indarrez jantzita etorriko da gure Jainkoa.
V/. Kanta Jaunari kantu barria,
kanta
Jaunari, lur osoa,
kanta
Jaunari, bedeinkatu haren izena!
Iragarri
egunez egun salbatzaile dala. R/.
V/. Zabaldu haren ospea nazinoetan,
haren
mirariak herri guztietan.
Esaizue
nazinoetan: «Errege da Jauna,
herriak
zuzenbidez ditu epaitzen». R/.
V/. Poztu
bedi zerua, alaitu lurra,
egin
begi orroe itsasoak eta bertako guztiak,
egin
jai landa zabalak eta bertan dan guztiak,
egin
poz-oihu, basoko zuhaitz guztiok. R/.
V/. Jaunaren aurrean, badator-eta,
badator
lurra epaitzera.
Justiziaz
epaituko dau mundua
eta
leialtasunez herriak. R/.
Aleluia
R/. Aleluia.
V/. Hurrean da Jaunaren eguna;
begira,
badator gu salbatzera. R/.
Ebanjelioa
Jainkoak ez dau nahi txiki honeetako bat be galtzerik.
✠ Jesu Kristoren Ebanjelioa San Mateoren liburutik
Mt 18, 12-14
Aldi haretan, Jesusek esan eutsen ikasleei: «Zer deritxozue? Gizon batek ehun ardi baditu eta bat galtzen bajako, ez ete da laurogeta hemeretziak mendian itzi eta galdutakoaren bila joango? Eta aurkitzen badau, benetan dinotsuet, poz handiagoa izango dau bakar hagaitik, galdu ez diran laurogeta hemeretziakaitik baino. Era berean, zeruko zuen Aitak ez dau gura txiki honeetariko bat be galtzerik».
Jaunak esana.
Iruzkina
Zeruko zuen Aitak ez dau gura txiki honeetariko bat be galtzerik entzutean, zer pentsatzen dogu? Non geratzen da sartu izan jakun bildurrezko Jainkoa?
Jesusek hur-hurreko Jainkoa iragarten deusku; eta harengan sinisten dogunok ez daukagu Jainkoaren bildurpean bizi izan beharrik.
Jainkoak ez dau bererik inor galdu gura. Gu bereak gara, eta ezelan ere ez gaitu galduazoko; haren poza gu bere zorionean izan gaitezala da.
Hau entzuten dogunok ezin geike inoren kalterik gura izan, ez bilatu behar, kalterik handiena egin izan badeusku ere.
Zelango inguru ederra sortuazoko geuken Jainkoaren seme-alaba lez gure Aitaren antza hartzen hasiko bagina! Galdutako ardiaren bila; lepoan hartzen; ha aurkitzeaz edo Jesusenganatzeaz pozten…
Ezinezkoak, ulertezinak edo guzurrezkoak lez hartzen doguzan irudiak, geure bizitzan eta egunerokoan aurkituko geukez gauzatuak.
Hara, indarrez jantzita dator Jainkoa… artzainak lez zaintzen dau artaldea… Poz handiagoa izango da aurkitu bakar bategaitik…
Abendualdiko II. eguaztena
I. Irakurgaia
Jainko ahalguztidunak emoten deutso nekatuari adorea.
Isaias Profetaren liburutik
Is 40, 25-31
Hauxe dino Jainko santuak:
«Zeinen antzeko egingo nozue?
Nor
Ni lakorik?»
Jaso
gora begiak eta ikusi:
Nork
egin ditu horreek guztiak?
Banaka-banaka
ataratzen ditu zeruko astroak
eta
bakotxari bere izenaz deitzen deutso;
hain
da-eta ahaltsu, hain biziro indartsu,
batek
be ez deutso haren deiari huts egiten.
Zergaitik
zabiltz, Jakoben herri, esaka;
zergaitik,
Israel, marmarka:
«Jaunak ez ditu nire bideak ezagutzen,
nire
Jainkoa ez da nire auziaz arduratzen!»
Ez
dakizu ala? Ez dozu entzun?
Jauna
da betiko Jainkoa, lur osoaren Egilea.
Ez
da nekatzen, ez lur jota geratzen;
ulertu
daitekena baino handiagoa da haren adimena.
Harek
emoten deutso nekatuari adorea eta ezinduari indarra.
Nekatu
eta eten egiten dira gazteak,
ahuldu
eta jausi mutilak;
Jaunagan
itxaroten dabenak, barriz, indarbarritu egiten dira:
hegoak
hazten jakez arranoei lez,
arin-arin
egin eta ez dira nekatzen,
ibili
eta ez dira lur jota geratzen.
Jaunak esana.
Erantzun salmoa
Sal 103 [102], 1-2. 3-4. 8 eta 10 (R/. 1a)
R/. Bedeinkatu begi nire arimak Jauna!
V/. Bedeinkatu begi nire arimak Jauna,
nire
barru osoak haren izen santua.
Bedeinkatu
begi nire arimak Jauna,
ez
bedi ahaztu haren mesedeaz. R/.
V/. Erru guztiak deutsuz parkatzen,
gatx
guztiak osatzen;
zure
bizia hilobitik askatzen dau,
maitasunez
eta errukiz koroatzen zaitu. R/.
V/. Bihozbera eta errukiorra da Jauna,
hasarregatxa
eta onginahiz betea.
Ez
gaitu erabiltzen gure pekatuek merezi daben lez,
ez
deusku ordaintzen geure erruen arabera. R/.
Aleluia
R/. Aleluia.
V/. Begira, badator Jauna bere herria salbatzera;
zorionekoak
hari bidera urteteko gertu dagozanak! R/.
Ebanjelioa
Zatoze Nigana nekatu guztiok.
✠ Jesu Kristoren Ebanjelioa San Mateoren liburutik
Mt 11, 28-30
Aldi haretan, Jesusek esan eban: «Zatoze Nigana nekatu eta lanpetu guztiok, eta Neuk arinduko zaituet. Hartu egizue nire buztarria eta ikasi Neugandik, ze gozoa eta bihotz-apala naz, eta aurkituko dozue zeuen arimentzako atsedena. Izan be, Nire buztarria leuna da, eta nire zama arina».
Jaunak esana.
Iruzkina
Jainkoak bere herriaren atseden izan nahi dau, gidari eta euskarri. Zergaitik bizi izan gura dau herriak bere Sortzaileari lepo emonda? Zergaitik bilatzen dauz beste atseden, gidari edo euskarri batzuk? Bere buruaren jabe izan gura ete dau, ba, bere Egilearen eskutik ihes eginda? Zoriontsu izango ete da horrela?
Barruko sakontasunean ondo daki ezetz; baina zeozerk daroa sakoneko ahotsari jaramonik egin ez eta azaleko deiei jaramon egitera.
Zenbat denpora emoten dogun —ezta?— azaleko gure guzurrezko izakerea zaintzen, besteen aurrean argi, alai eta zoriontsu agertzeko.
Baina luzarora barik agertzen jakuz larrialdiak, estukurak, ondoezak eta hondamenaren garrasiak… Zer egin? Nora jo?
Jesusek Jainkoa gugandik ez dala aldentzen dinosku. Beti jo geikela harengana babes bila. Bera Jesus ere prest dago gu bere buztarpean hartzeko.
Izango ete ginateke gauza Jesusek jarten dauan baldintza bakarra beteteko? Bihotz apaltasuna.
Jainkoagana hurreratzeko ez da besterik behar. Baina harrokeria larregiren inguruan ez ete gara geu ere harroegiak bihurtu?
Hortxe dogu Jesusen deia: «Zatoze Nigana nekatu eta lanpetu guztiok, eta Neuk arinduko zaituet».
Abendualdiko II. eguena
I. Irakurgaia
Ni Neu nozu lagun, Israelgo Santua.
Isaias Profetaren liburutik
Is 41, 13-20
Nik, Jaunak, zure Jainkoak, eskutik hartzen
zaitut,
eta
esaten deutsut:
«Ez bildur izan, Ni Neu nozu lagun».
Ez
bildur izan, Jakoben herri,
harra
baizen ezereza zaran hori, Israelgo jente!
Ni
Neu nozu lagun, dino Jaunak,
Israelgo
Santua dozu askatzaile.
Tresna
barri bihurtzen zaitut,
hortz
zorrotzeko eskubara;
mendiak
areatu eta birrinduko dozuz,
menditxuak
lasto bihurtuko.
Zuk
haizatu, eta haizeak eroango ditu,
ekatxak
sakabanatuko.
Zu,
barriz, Jaunagaz atseginez beteko zara,
Israelgo
Santuagaz poztuko.
Dohakabe
eta behartsuak ur eske dabiltz
eta
urik ez; egarriak lehortu deutse mihina.
Nik,
Jaunak, erantzungo deutset;
Nik,
Israelen Jainkoak, ez ditut itziko.
Mendi
lehorretan ibaiak sortuazako ditut
eta
ibarren erdian iturriak.
Basamortua
urtegi bihurtuko dot,
lur
idorra iturburu.
Zedroak,
akaziak, mirtoak eta olibondoak
landatuko
ditut basamortuan,
zumarrak,
zipresak eta izeiak eremuan.
Holan,
guztiek ikusiko dabe eta jakingo,
jaubetu
eta ulertuko,
Jaunaren
eskuak egin dauala hori guztia,
Israelgo
Santuak sortu dauala.
Jaunak esana.
Erantzun salmoa
Sal 145 [144], 1 eta 9. 10-11. 12-13ab (R/. 8)
R/. Errukiorra eta bihozbera da Jauna,
hasarregatxa eta onginahiz betea.
V/. Goratuko zaitut, ene Jainko, ene errege,
bedeinkatuko
dot zure izena betiere.
Ona
da Jauna guztientzat,
errukiz
betea bere sorkari guztientzat. R/.
V/. Goratu zagiezala, Jauna, zeure sorkari
guztiek,
bedeinkatu
zeure fededunek;
aitatu
begie zure erregetza ospetsua,
berba
egin begie zure ahalmenaz. R/.
V/. Gizakiei agertuz zure egite ahaltsuak,
zure
erregetza ospetsuaren bikaintasuna.
Zure
erregetza betiko erregetza,
gizaldiz
gizaldikoa zure nagusitza. R/.
Aleluia
Ik. Is 45, 8
R/. Aleluia.
V/. Isuri goitik, zeruok, iruntza lez,
isuri
Garailea, hodeiok, euria lez!
Edegi
bedi lurra eta emon begi Salbatzailea. R/.
Ebanjelioa
Ez da sortu Joan Bateatzailea baino handiagorik.
✠ Jesu Kristoren Ebanjelioa San Mateoren liburutik
Mt 11, 11-15
Aldi haretan, Jesusek esan eutson jenteari:
«Benetan dinotsuet: Ez da sortu amaren semerik Joan Bateatzailea baino
handiagorik. Halan be, zeruetako erreinuan txikiena ha baino handiago da.
Joan Bateatzailea agertu zan egunetatik gaur
arte, zeruetako erreinua indarrez hartzen da, eta indar egiten dabenek
eskuratzen dabe. Profeta guztien eta Moisesen agintzarien sasoia Joan
Bateatzailearekin amaitzen da. Joan hau da etortzekoa zan Elias, gura badozue
onartu. Belarririk daukanak entzun begi».
Jaunak esana.
Iruzkina
Ez bildurrik izan. Ni neu nozu lagun, Profetagandik entzundako berbok eroan behar gaitue gure uste ona zertan oinarritzen dogun aztertzera.
Bizitza erosoa gura dogu, eta ondasunak pilatzen ahalegintzen gara; eta eralgikerian bizi gara, atsegina horretan hartuz, eta zoriontsu holantxe garala uste izanik.
Baina konturatu gara gure eralgikeriaz Lurra deuseztera garoazala: gero eta bero handiagoak jasaten doguz, eta izurriteak, uholdeak eta geure arteko haserreak, ondorengoei ez deutsegulako gauza onik lagako.
Jesusek bere aldikoei egiten eutsen proposamenak hartu daiguzan aintzat. Harei gatx egingo jaken Bateatzailea orduko profeta lez onartzea, Elias berbera lez. Gatx egingo jaken haregaz aldi zaharrak amaitu eta barriei atea zabaltzeko Jesusengan beragan jarri behar ebela ustea onartzea…
Geuri ere gatx egingo jaku bizitza-abiadurea txikiagotzea, kontsumoa murriztea, planeta bat baino ez daukagula-eta ha zaindu beharra dogula onartzea…
Baina hori gura dogunok argi euki daigun uste ona Jesusengan jarrita bideratu geikela. Ez dagoala geure esku. Bajatorkunaren hitzak bultzaturik ibiliko gara, zuzentasunaren bideetan. Zabaldu deiogun bihotza.
I. Irakurgaia
Nire aginduak aintzakotzat hartuko bazenduz!
Isaias Profetaren liburutik
Is 48, 17-19
Honan berba egiten dau Jaunak, zure
askatzaileak, Israelgo Santuak:
«Nik, Jaunak, zure Jainkoak,
on
jatzuna erakusten deutsut,
ibili
behar dozun bidean gidatzen zaitut.
Ai
nire aginduak aintzakotzat hartuko bazenduz!
Ibaika
izango zenduke zoriona, uholdeka salbazinoa.
Itsas
hondarra baizen ugari izango litzatekez zure ondorengoak;
hondar-aleak
beste zure seme-alabak;
hareen
izena ez litzateke amatatuko,
ez
nire aurretik hondatua izango».
Jaunak esana.
Erantzun salmoa
Sal 1, 1-2. 3. 4 eta 6 (R/. ik. Jn 8, 12)
R/. Zuri jarraitzen deutsunak, Jauna,
izango dau bizirako argia.
V/. Zorionekoa gaiztoen aholkuari jarraitzen ez
deutsona,
pekatarien
bidean ez dabilena,
lotsabakoen
batzarretan jesartzen ez dana;
zorionekoa
Jaunaren legean atsegin dauana,
haren
legea gau eta egun hausnartzen dauana. R/.
V/. Ur-ertzean landatutako zuhaitzaren antzekoa
da:
emoten
dau bere sasoian frutua,
eta
ez jako orririk igartzen;
egiten
dauan guztiak ondo deutso urteten. R/.
V/. Ez holan gaiztoak, ez holan,
haizeak
daroan lastoaren antzekoak dira.
Jaunak
zaintzen dau zintzoen bidea;
gaiztoena,
barriz, galdu egiten da. R/.
Aleluia
R/. Aleluia.
V/. Badator Jauna, urten egiozue bidera,
bera
da Errege bake-emoilea. R/.
Ebanjelioa
Ez deutsoe entzuten ez Joani, ez Gizonaren Semeari.
✠ Jesu Kristoren Ebanjelioa San Mateoren liburutik
Mt 11, 16-19
Aldi haretan, Jesusek esan eutson jenteari:
«Zeinen antzekoa dala esango neuke gizaldi hau? Plazan jesarrita dagozan umeen
antzekoa da; ze holan oihu egiten deutsie batzuek besteei:
“Soinua
jo deutsuegu, eta zuek dantzarik ez;
hiletak
jo, eta zuek aienerik ez”.
Izan be, etorri zan Joan Bateatzailea, ez jan ez edan egiten ez ebala, eta deabruak harturik dagoala dinoe. Etorri da Gizonaren Semea, jaten eta edaten dauala, eta holan dinoe: “A zer tripontzi eta mozkortia, zergalari eta pekatarien adiskidea”. Baina egiteek Jainkoaren jakituriari emon deutsoe arrazoia».
Jaunak esana.
Iruzkina
Ai nire aginduak aintzakotzat hartuko bazenduz! —kexatzen da Jainkoa profetaren ahoz.
Eta kexu da Jesus bere herritarrek ez dabelako egiten, ez egiten izten: Bateatzaileagaitik, deabruak hartuta dagoala, eta Jesus beragaitik, tripontzi eta mozkortia dala, pekatarien mahaike dala, dinoe-eta.
Pausurik emon gura ez dauanak edonondik bilatuko dau kexarako motiboa. Besteek egiten dabena alperrekoa, txarra, edo, onenean, hondamena ez dauala saihestuko uste dau.
Gure inguruan gehiegikeriak eta zuzengabekeriak eta agintekeriak eta eralgikeriak eta beste keria asko ikusten dogu. Baina badira hainbeste eta hainbeste besteei begiak zabalduazoten ahalegintzen diranak; euren kontsumoa hein handi baten murriztu dabenak; emakumearen alde urteten dabenak; gerra eta zapalkuntza guztien aurka aldarrikatzen dabenak…
Jesusen oihuak ez ete doguz entzungo haren jarraitzaile garanok, eta erosokeria laga eta ibilbidea ez ete dogu hasiko?
Eleizeak Sinodalidadea bultzatzera egiten deusku dei. Beharrezkoa dau gure esku-hartzea; besteek zelan egiten daben begitu eta egiten dabena gaitzestetik urten, eta, egiten dogun apurrak —handiak eta asko ere ez gara-eta—, bere eragina izango dauala uste izanik, emon daigun geuri dagokiguntxoa.
I. Irakurgaia
Barriro etorriko da Elias.
Siraken liburutik
Si 48, 1-4. 9-11
Sua lez agertu zan Elias profeta,
haren
hitzak zuziak lez erretzen eban.
Gosetea
ekarri eban israeldarren gainera,
gitxitu
egin ebazan bere jainkozaletasun gartsuaz.
Jaunaren
aginduz euria egitea galarazo eban,
eta
hiru aldiz jaitsiazo sua zerutik.
Bai
ospetsua izan zinala, Elias, zeure mirariakaitik!
Nor
harrotu, zu adinakoa dalakoan?
Suzko
zurrunbiloan eroan zinduezan zerurantz,
suzko
zaldiek eroien gurdian.
Idatzirik
dago, egun baten etortzekoa zarala,
Jaunaren
sumina baretzera, lehertu baino lehen,
gurasoak
eta seme-alabak adiskidetzera,
eta
Jakoben leinuak barriztatzera.
Zorionekoak
zu ikusi zinduezanak
eta
maitasunean lokartu ziranak!
Jaunak esana.
Erantzun salmoa
Sal 80 [79], 2acd eta 3bc. 15-16. 18-19 (R/. 4)
R/. Jainko, berbiztu gagizuz;
salbatu gaitezan, zeure begia leun
agertu egizu.
V/. Entzun, Israelen artzain,
hegodun
izakien arteko tronuan zagozan horrek!
Indartu
zeure ahalmena
eta
zatorkiguz salbatzera. R/.
V/. Jainko ahalguztiduna, bihurtu, arren,
begiratu
zerutik, ikusi!
Hartu
egizu zeure mahatsondoaren ardura,
zaindu
zeure eskuz landatu dozuna. R/.
V/. Emoiozu eskua zeure aukeratuari,
zeure
indarrez jantzi dozun gizasemeari.
Ez
gara Zugandik inoiz aldenduko;
Zuk
bizia emongo deuskuzu
eta
guk dei egingo deutsagu zure izenari. R/.
Aleluia
Lk 3, 4. 6
R/. Aleluia.
V/. Prestatu bidea Jaunari,
zuzendu
bidezidorrak hari;
ikusiko
dabe gizaki guztiek
Jainkoaren
salbazinoa. R/.
Ebanjelioa
Elias etorri da, eta ez dabe aintzat hartu.
✠ Jesu Kristoren Ebanjelioa San Mateoren liburutik
Mt 17, 10-13
Menditik jaistean, itaundu eutsoen ikasleek
Jesusi: «Zelan dinoe lege-maisuek, lehenengo Eliasek etorri behar dauala?»
Jesusek
erantzun eutsen: «Bai, Eliasek etorri behar eban eta gauza guztiak erabarritu.
Baina hara zer dinotsuedan: Elias etorria da, eta ez dabe aintzat hartu, ezpada
ze gura izan daben guztia egin deutsoe. Era berean, Gizonaren Semeak be
oinazeak jasango ditu horreengandik». Orduan konturatu ziran Joan Bateatzaileaz
ebilkiela.
Jaunak esana.
Iruzkina
Ontzat emoten dan gauzea da batzuk beste batzuk baino etxekotasun handiagoa dabela Jainkoagaz.
Honei begitu egiten jake; honeik goraldu egiten dira…; baina bildur ere hartzen jake, eta baztertu eta hil ere egiten dira, gogoko ez jakuzalako.
Zer ete gara, zemaipean baino ezin bagaitue hezi? Bildurpean hazi behar dogu, eta Jainkoa, harengandik etorri leikiguzan zigorren bildurragaitik maitatu behar dogu?
Antxinako profetek Jainkoaren aldetiko zigorrak iragarten ebezan desbideratzen zan herria onbideratzeko asmotan. Beste batzutan, herria hondatuta ikustean, itxaropen berbak erabiliz, aldi barriak eta Jainkoagandiko errukia, parkamena eta Jainkoa bere herriaren alde egoala iragarten eutsen.
Bateatzaileagaz aldi barriak hasten dira; baina oindino ez dago argi, ez dira aldiak bete. Jesusek beteko dau hutsune hori: Jainkoa ez datorrela bere herria zigortzera, txarrak hondatzera…, gizakiok geure gizatasunean sakonduz aurkitzen dogula Jainkoa iragarriko dau.
Geuk landu behar dogu gure barrua, bide lautuetan zehar ibili daiten badatorren Salbatzailea.
